Հանելուկներ

1

Խոսում է նա, լեզու չունի,
Շրջում է նա, ոտքեր չունի,
Բայց մտնում է ամեն մի տուն,
Ուրախ լուրեր բերում մարդուն:

2

Տուն է սպիտակ, լայնատարած,
Սև հավիկներ մեջը թառած,
Խոսում են ու զրույց անում՝
Մարդու նման լեզու առած:

 3

Ճարտարագետ և իմաստուն,

Ծաղկի փոշուց շինում է տուն,

Լեզուն՝ քաղցր, ինքը բարի,

 Չունի դադար, հանգիստ ու քուն:

 4

Արքա չունեն, սակայն արագ 

Կազմում են մեծ, ահեղ բանակ,

Հենց մտնում են արտը հասած՝

Բերքն են հնձում առանց դանակ:

 

 5

Տունը ՝ փոքրիկ,

Մուտքը՝ մեծ,

Միայն ինքն է իր տան մեջ:

 

 6

Թևեր ունի՝ լոր չէ, 

Պոզեր ունի՝ կով չէ:

  7

 

Բանում է՝ մարդ չէ,

Ածում է՝ հավ չէ,

Կծում է՝ շուն չէ,

Իմացիր ի՞նչ է:

 

 8

Ման է գալիս՝ հավ չի,

 Լույս է տալիս՝ ճրագ չի:

 9

Վարպետ է մեծ, բայց անուսում,

Ջուլհակ չէ, բայց ո՜նց է հյուսում:

 10

Ամբողջ օրը քուն չունի,
Լայն դաշտերում տուն չունի,
Ծաղկից ծաղիկ է թռչում,
Փեթակ ունի, բուն չունի:

 

11 

Կա մի գմբեթ` բարձր ու լայն,
Կանգնած անսյուն ու անգերան,
Մեջը կանթեղ` պայծառ լույսով,
Կախված ջահեր, առանց պարան:

 

12 

Թռչուն անթև ու անփետուր,
Բայց շրջում է նա ամենուր,
Նրա համար սահման չկա
Ոչ գետ ու ծով, ոչ լեռ, բլուր:

 

 13

Մի բան գիտեմ զարմանալի,
Նա մագիլներ ունի հավի,
Մութ անտառն է իրար տալիս,
Հարթում սիրուն ու ետ գալիս:

 14

Նա որսորդ է չար ու անգութ,
Հագին մուշտակ՝ սիրուն, պուտ-պուտ,
Ժանիքը սուր, ագին բարակ,
Եվ աչքերն են մի-մի ճրագ:

 

15

Ճարտարագետ և իմաստուն,
Ծաղկի փոշուց շինում է տուն,
Լեզուն՝ քաղցր, ինքը բարի,
Չունի դադար, հանգիստ ու քուն:

16

 

Մի օձ կա մեծ, գույնը կապույտ,
Հա գնում է պտույտ-պտույտ,
Նրանով են սնվում անվերջ
Ծառ ու ծաղիկ, խոտ ու առվույտ:

17

 

 

Մանուկն եկավ՝ պայծառ, անգին,
Կանաչ շորեր ունի հագին,
Թողեց հետքեր նա ամենուր,
Ծաղկով լցրեց դաշտն ու այգին:

18

 

 

Մի տախտակ կա քառանկյուն,
Առանց դրա չկա տուն,
Մինչև ամուր չփակես
Դու չես մտնի հանգիստ քուն:

19

Նա ապրում է շարժուն տան մեջ,
Ծտի նման խայտում անվերջ,
Առավոտից մինչ իրիկուն
Չունի հանգիստ ու չունի քուն:

20

 Երեկ տեսա մի քարավան
Ճամփա ելած՝ գնում էր Վան,
Պոչ-պոչ բռնած, շարքով կարգին
Մի-մի հատիկ առած մեջքին:

21

Մի թռչուն կա շատ իմաստուն,
Բարեկամ է նա միշտ մարդուն,
Աղմկում է, ձայնեղ կանչում,
Երբ որ գող է մտնում իր տուն:

 

 

 

1-Նամակ  2-Գիրք  3- Մեղու  4-Մորեխ  5-Խխունջ  6 -Բզեզ  7-Մրջյուն  8-Լուսատիտիկ  9-Սարդ  10-Մեղու  11-Երկինք  12-Մտքեր   13-Սանր   14-Հովազ  15- Մեղու  16- Գետ  17 -Գարուն   18-Դուռ  19-  Ձուկ  20 - Մրջյուն  21- Սագ