Կովի կաթը 15-20 տոկոսով նվազեցնում է ինսուլտի եւ քաղցկեղի առաջացումը

Կովի կաթի կանոնավոր օգտագործումը մարդկանց մոտ 15-20 տոկոսով նվազեցնում է վտանգավոր հիվանդությունների առաջացումը` այդ թվում սրտային հիվանդությունների և քաղցկեղի: Նման եզրահանգման են եկել բրիտանական Ռեդինգա և Կարդիֆֆա համալսարանների գիտնականները: Նրանց կողմից կատարված ուսումնասիրությունները ցույց են տվել, որ կովի կաթը մարդու օրգանիզմը բազմաթիվ հիվանդություններից պաշտպանելու «եզակի ունակություն» ունի:

Նրանց բացահայտումը հակասում է ավանդական այն տեսակետին, որի համաձայն կաթը բացառապես քիմիական ակտիվ խմիչք է և պետք է շատ զգույշ օգտագործել: Նրանց կողմից անցկացված փորձերը վկայում են, որ կաթը առողջարար է սրտի համար, նվազեցում է ինսուլտի հնարավարությունները, քաղցկեղի զարգացումը:

«Ինչպես տեսնում ենք, կաթը լավ է ոչ միայն ոսկորներն ամրացնելու համար, այլ նրանում առկա քիմիական ակտիվ տարրերը բարդ բնույթ ունեն և ամրացնում են մարդու իմունային համակարգը»,- հայտարարել է աշխատախմբի ղեկավար պրոֆեսոր Իյեն Գիվենսը: Այս մասին հաղորդում է «Իտար-տասս» գործակալությունը: 

drugs.am