Սուրճի օգտակարության մասին գիտնականները խոսում են վաղուց: Կանադացի գիտնականներին վերջերս հուզում էր մեկ հարց` կարելի է արդյոք շատացնել սուրճի օգտակար հատկությունները: Եվ ինչպես ցույց տվեց փորձը, երբ սուրճի հատիկները բովում են բարձր ջերմաստիճանի տակ սուրճի մեջ առկա հակաօքսիդանտների քանակն ավելանում է:
Գիտնականներն ուսումնասիրել են քիմիական միացությունների այն խառնուրդը, որն առաջանում է հատիկները բովելու ժամանակ: Այս գործընթացն անվանվում է «Մայարի ռեակցիա»: Այս երևույթը, որը հայտնաբերել է ֆրանսիացի քիմիկոս Լուի-Կամիլլո Մայարը 20-րդ դարի սկզբում, իրենից ներկայացնում է ամինաթթուների և շաքարի փոխգործակցությունը տաքանալու ժամանակ:
Վերջին ուսումնասիրությունները ցույց են տվել, որ «Մայարի ռեակցիան» սերտորեն կապված է սուրճի մեջ առկա հակաօքսիդանտների առկայության հետ: Սուրճի բովված հատիկների մեջ հակաօքսիդանտների հատկություններն ավելի մեծ են:
Գիտնականները նշում են, որ այս բացահայտումը մեծ նշանակություն ունի, քանզի սուրճի մեջ առկա հակաօքսիդանտները պայքարում են ազատ ռադիկալների դեմ: DOCTORS.AM |
